Өткен сенбі күні Достық үйінде «Нарды» ұлттық ойын бойынша турнир өтті. Іс-шара ұйымдастырушы - «Ватан» әзербайжан ұлттық-мәдени орталығы» қоғамдық бірлестігі. Логика мен сезгіштік жарысында Павлодар облысы әзербайжан ЭМБ-нің жастары мен белсенділері қатысты.

10-шы қаңтарда Павлодар облысында «Қамқорлық» республикалық акциясы басталып, 10-шы ақпанға дейін жалғасатын болады. Акция мақсаты – әлеуметтік көмек алуға құқығы бар аз қамтылған, көп балалы, тұрмысы қолайсыз отбасылардың балаларына, жетім балалар мен ата-анасының қамқорлығынсыз қалған балаларға және басқа санаттағы балаларға әлеуметтік көмек көрсету болып табылады.

Балалар үйінің балаларын Достық үйінде әрдайым құшақ жайып қарсы алады. Олар облыстық этномәдени бірлестіктері өткізетін көптеген мерекелік іс-шаралардың тұрақты қонақтары. Өткен жұмада Мичурин балалар үйінің тәрбиеленушілері Павлодар облысы әкімі аппаратының «Қоғамдық келісім» мекемесінде саяхат жасады. «Қоғамдық келісім» мемлекеттік мекемесінің  жастармен және балалармен жұмыс жөніндегі бөлімі Павлодар облысы жастар бірлестіктерінің үйлестіру кеңесімен бірлесіп іс-шараны ұйымдастырды.

31-ші қаңтарда сағат 15.00-де Достық үйінің акт залында «Ол көп адамдарға өмірге жолдама берді» (Харбин политехникалық университеті жөнінде) атты көрменің ашылуы өтті. Бұл көрме Александр Солженицин атындағы Орыс шетелдігінің үйімен (Ресей Федерациясы, Мәскеу қаласы) Павлодар қаласындағы Славян мәдени орталығына және Анастасия Цветаева атындағы мұражайына берілді.