2015 жылы Қазақстан Республикасы Конституциясына және Қазақстан халқы Ассамблеясының құрылғанына 20 жыл толады.

Осы мерекелер қарсаңында желтоқсан айының 10-шы жұлдызында Май ауданында Қазақстан халқы Ассамблеясының бөлімшесі ашылды. Аталмыш шараға ҚХА облыстық филиалы басшысының орынбасары Сейсембай Қалижанұлы Жетпісбаев, «Мұсылман әйелдер лигасы» облыстық филиалының төрайымы Бақытжамал Шаханқызы Максилова, «Славян мәдени орталығы» бірлестігінің төрайымы Татьяна Ивановна Кузина, “Возрождение” Павлодар облыстық немістер одағы” қоғамдық бірлестігі төрағасының орынбасары Ольга Владимировна Литневская атсалысты.

5-ші желтоқсанда «Бейбітшілік пен келісімнің жол картасы» Мега-жобасы аясында, Қазақстан халқы ассамблеясы облыстық филиалы төрағасының орынбасары Сейсембай Қалижанұлы Жетпісбаевтың басшылығымен, ҚХА мүшелері Лебяжі ауданына жұмыс сапарымен барып қайтты.

Мега-жобаның мақсаты – Қазақстандағы ұлтаралық бейбітшілік пен келісімді жан-жақты насихатау. Бұл күні Шарбақты ауданы Лебяжі ауданына «Достық эстафетасын» тапсырған болатын.

Қарашаның 30 жұлдызында  облыс этномәдени орталықтардың жастар қанаты арасында мемлекеттік тілде патриоттық әндер байқауы өтті.

Бұл байқау-фестиваль Бірінші Президент Күніне орай ұйымдастырылып,  сахнаға бірлестіктердің 13 тобы шықты. Сайыс ережесіне сәйкес шығармашылық ұжымның құрамында төрт адамнан кем болмауы керек еді.

Қарашаның 27-ші жұлдызында Қамқорлық бағдарламасы аясында  Достық үйінің ұжымы балалар үйінде қайырымдылық концерттік бағдарламасын ұйымдастырды. Ұжым балаларға көтеріңкі көңіл күй, шаттық сыйлады. Сонымен қатар балаларға сыйлықтар тапсырылды. Ал балалар көрермендерге ән айтып, би билеп, өнерлерін көрсетті.