Бүгін Успен ауданында үлкен мереке. «Бейбітшілік пен келісімнің жол картасы»  мега-жобасы аясында Железин ауданы Успен ауданына «достық эстафетасын» тапсыруда.

300-ге таяу аудан тұрғыны, этномәдени бірлестіктердің арнайы дайындаған концерттік бағдарламасын тамашалауға жиналды.

Шараға Успен ауданының әкімі Бәкір Саматұлы Демеуов, облыстық Қазақстан халқы ассамблеясы төрағасының орынбасары Сейсембай Қалижанұлы Жетпісбаев, Железин ауданы әкімінің орынбасары Гүлбарам Ермекқызы Биляева және аудандық этномәдени бірлестіктердің белсенділері атсалысты.

Қарашаның  8 жұлдызында сағат 17:30 облыстық Достық  үйінің  концерттік залының фойесінде  Павлодар облысының  Қазақстан халқы ассамблеясының  жастар бірлесіктернің ұйымдастыруымен  «Күзгі бал»  атты жастарға арналған ойын – сауық бағдарламасы өтті.

Қарашаның 3-ші жұлдызында Достық үйінде Аудармашы Герольд Бельгердің  85 жылдық  мерейтойына арналған «Тағдыр толқыны» атты әдеби кеші өтті. Шараның ұйымдастырушысы «Возрождение» Павлодар облыстық немістер одағы» қоғамдық бірлестігі.

Қазанның 25 жұлдызында Достық үйінің акт залында «Мен Отанымды сүйемін…» атты М.Ю. Лермонтовтың 200 - жылдығына арналған поэзия кешіне өтті. Славян этномәдени орталығы Павлодар  мемлекеттік педагогикалық институтының  Орыс тілі мен мәдениеті  орталығымен бірігіп, аталмыш поэзия кешіне көрермендерді  шақырған болатын. Шараға облысымыздың өнер майталмандары, ЖОО студенттері мен мұғалімдер, мектеп оқытушылары мен оқушылары, облыстық этномәдени бірлестіктерінің белсенділері қатысты.