Май ауданында ҚХА бөлімшесі ашылды

Толығырақ: Жарияланды 10 Желтоқсан 2014

960

2015 жылы Қазақстан Республикасы Конституциясына және Қазақстан халқы Ассамблеясының құрылғанына 20 жыл толады.

Осы мерекелер қарсаңында желтоқсан айының 10-шы жұлдызында Май ауданында Қазақстан халқы Ассамблеясының бөлімшесі ашылды. Аталмыш шараға ҚХА облыстық филиалы басшысының орынбасары Сейсембай Қалижанұлы Жетпісбаев, «Мұсылман әйелдер лигасы» облыстық филиалының төрайымы Бақытжамал Шаханқызы Максилова, «Славян мәдени орталығы» бірлестігінің төрайымы Татьяна Ивановна Кузина, “Возрождение” Павлодар облыстық немістер одағы” қоғамдық бірлестігі төрағасының орынбасары Ольга Владимировна Литневская атсалысты. Сонымен қатар, шараға аудан ауылдық округтерінің басшылары, мәдениет және білім беру салаларының мамандары, Май ауданының халқы шақырылды.

Бөлімшенің ашылу салтанаты ауданды Мәдениет үйінде өтті. Облыс әкімі Қанат Алдабергенұлы Бозымбаевтың тапсырмасымен, Сейсембай Қалижанұлы жиналған жұртшылықты Қазақстан халқы Ассамблеясының бөлімшесін құру жөніндегі Шешіммен таныстырды. Құжат салтанатты түрде Май ауданының әкімі Бекзия Зейноллақызы Ысқақоваға тапсырылды. Ол бөлімше төрағасы атанды.

КХА филиалының ашылуына орай аудандық Мәдениет үйінде этномәдени бірлестіктердің қатысуымен мерекелік концерт өтті. Өнерлерін тек аудандық шығармашылық ұжымдар ғана емес, ауылдағылар да паш етті. Олардың қатарында Мұсылман әйелдер лигасының белсенділері, орыс, украин, неміс, шешен-ингуш этномәдени бірлестіктері.

Мәдениет үйінің фойесінде ауданда мекен ететін түрлі ұлт өкілдерінің қолөнер туындыларна арналған бай көрме ұйымдастырылды.

Мақсат Айтпаев

Фото

961