«Бейбітшілік пен келісімнің жол картасы» Шарбақты ауданында

Толығырақ: Жарияланды 13 Қараша 2014

698 13-ші қараша күні «Бейбітшілік пен келісімнің жол картасы» мега-жобасы аясында Шербақты ауданының мәдениет үйі халыққа лық толды. Тегін емес, өйткені мұнда Успен ауданы «Достық эстафетасын» Шарбақты ауданына тапсырғалы отыр. Бұл мейрам жөнінде халыққа шарадан бұрын хабарландырылған болатын. «Достық мерекесін» асыға күткен аудан халқы шараның көрермендері мен белсенді қатысушыларына айналды.

Шара басталмас бұрын облыс орталығынан, Қазақстан халқы ассамблеясы облыстық филиалы басшысының орынбасары Сейсембай Қалижанұлы Жетпісбаев бастаған делегация аудандық этномәдени бірлестіктерінің белсенділерімен кездесті. Кездесу барысында облыстық және аудандық этномәдени бірлестіктердің бірлескен жұмысы талқыланып, Шарбақты ауданындағы осындай ұйымдарының кейбір мәселелері көтерілді. Кездесуге белсене қатысқандар арасында Шарбақты ауданының Мұсылман әйелдер лигасының қатысушылары, татар-башқұрт, славян, шешен-ингуш, қабарда-балқар және қарашай-черкесс этномәдени бірлестіктерінің басшылары мен мүшелері.

Шарбақты ауданы бұл шараға жақсы дайындалғаны көрініп-ақ тұрды. Аудандық мәдениет үйінің холында аймақта тұратын түрлі ұлт өкілдерінің қолөнер туындыларына арналған көрме ұйымдастырылды.Тілектер жазылған альбом мәдениет үйінің сахынасында тапсырылды. Салтанатты рәсімге Успен ауданы әкімінің орынбасары Дисюпова Альмира Амановна мен Шарбақты ауданы әкімінің орынбасары Негмановой Ризагуль Алексеевна қатысты.Әрі қарай шара Успен ауданының этномәдени бірлестіктері мен шығармашылық ұжымдарының концертіне ұласты. Сахынада өз өнерлерін «Гүлдер» би тобы, «Селяне» вокалдық тобы, Мұсылман әйелдер лигасының әжелер тобы, өзбек биімен Смагулова Лейла, «Кармазь» украин этномәдени бірлестігінің дуэті көрсетті. Қабарда-балқар этномәдени бірлестігі ұлттық биімен жиналған қауымды тамсандырса, белорусс «Сябры» бірлестігінің өкілдері ұлттық «Богач» атты салтын көрсетті.

Мақсат Айтпаев

Фото

699