Жеңімпаздары кімдер?

Толығырақ: Жарияланды 27 Қазан 2014

599

«Славян мәдени орталығы» жыл сайынғы шашка ойнынан турнирді өткізді. Бұл сайысқа 30-дан астам қатысушы атсалысты. Саны бірдей немесе одан да көп адам өз достарын қодауға, ойын барысында дұрыс қадам көрсетуге келді. Негізінен, жарыста славян, белорус, поляк және әзірбайжан бірлестіктерінің жастары бақ сынасты.

Достық үйінің кең холлында ойынға арналған үстелдер қойылды. Тіркеу біткен соң, жастар қызу ойынға кірісті. Александр Колодин – доданың бас қазысы әрі ұйымдастырушысы ойнаған партия нәтижелерін хаттамаға түсіруімен айналысты. Кейбір қатысушылар тым көп ойнап, жеңген-жеңілгендерді анықтай алмады. Сол себепті, сайыстан бас тартуға мәжбүр болды.

Екі сағатқа созылған доданың жеңімпаздары анықталды. Олардың барлығы – «Славян мәдени орталығының» мүшелері: ІІІ орын – Игорь Руденко, ІІ орын - Валерия Стоцкая, І орынды – Андрей Сапешко иеленді.

Мақсат Айтпаев

Фото

600