Бүгін «Қоғамдық келісім» КММ-де конференц залында Қазақстан халқы ассамблеясының кеңесі өтті. Облыстық Қазақстан халқы ассамблеясы кеңесінің күн тәртібі «Жаңғырудың негізі: тұрақтылық, бірлік, келісім» тақырыбында өтті. Жиынға облыстық ЭМБ басшылары, қоғамдық келісім кеңесі, ақсақалдар алқасы және аналар кеңесі мүшелері, ғылыми-сараптамалық тобы мен Қ.Даржұман атындағы ұлттық жаңғыру мектебіның оқытушылары, сонымен қатар, облыстық жастар бірлестіктерінің үйлестіру кеңесінің белсенділері қатысты. Іс-шараның пленарлық отырысын облыстық Қазақстан халқы ассамблеясы хатшылығының меңгерушісі Сейсембай Қалижанұлы Жетпысбаев ашты.

Отырыс барысында облыстық Қазақстан халқы ассамблеясы кеңесі мүшелерінің құрамындағы өзгерістер мен Екібастұз қаласының ҚХА бөлімшесінің жұмысы туралы сұрақтар талқыланды. Сондай-ақ, жиында облыстық ҚХА төрағасының қоғамдық орынбасары болып «Нұр-ана әлемі» қоғамдық бірлестігінің төрағасы Максилова Бақытжамал Шаханқызы ұсынылды. Ал осы міндеттерінен украин қоғамдық бірлестігінің төрағасы Парипса Михаил Сергеевичтің босатылуы қарастырылды.

 «XXI ғасырда ел мен ұлттың рухани жаңғыруының ғаламдық стратегиясы Елбасымыздың бағдарламалық мақалысында нақтыланды. Бұл маңызды жұмысқа Ассамблея кеңесі, Қоғамдық келісім кеңесі, «Ақсақалдар алқасы», аналар кеңесі, ғылыми-сараптамалық тобы, медиация орталығы, ұлттық жаңғыру мектебі және жастар бірігіп, бағдарламаны іске асыруға белсенді атсалысуы тиіс»,- деді Қазақстан халқы ассамблеясы хатшылығының меңгерушісі  С.Қ.Жетпысбаев 

Айтпаев Мақсат

Фото

Фото

Фото

Фото

Фото