Қазақстан Республикасы Тәуелсіздігінің және облыстық «НҰР-АНА әлемі» қоғамдық бірлестігінің 25 жылдығына орай,«НҰР-АНА әлемі» қоғамдық бірлестігінің  құрамына енетін бір топ аналар, қасиетті құрбан айт мерекесі кезінде «Екі дүниенің есігі, Ер түріктің бесігі» атанған қасиетті қара шаңырақ,  еліміздің рухани астанасы,Қазақ хандығының ордасы болған - киелі Түркістан шаһарына барып қайтты.

Өткен демалыс күні кәріс Ээтномәдени бірлестігінің белсенді қатысушылары, олардың көптеген достары және қала тұрғындары ақсақалдар мен ұстаздарды биылғы жылы тұспа-тұс келген мерекелерімен құттықтау үшін қонақжай Достық үйінде жиналды. Осы күннің басты оқиғасы «Чусок» кәріс халқының астық жинау науқаныныңаяқталу мерекесі болып өтті. Биылғы жылы ай күнтізбесі бойынша бұл мереке 15 қыркүйекке түсті, ұйымдастырушылардың айтуынша Кореяда аталмыш мереке 5 күн тойланады екен.

Жуырда «Қоғамдық келісім» мемлекеттік мекемесінде «Медиация үдерісінің ерекшеліктері» тақырыбында дәріс оқылды. Бұл дәріс медиаторларды дайындау бағытындағы оқу бағдарламасы аясында дайындалды. Аталмыш оқу бағдарламасы 15-ші қыркүйекте басталып, 22-ші желтоқсанға дейін жалғасатын болады. Іс-шараға үкіметтік емес жастар ұйымдарының мүшелері, мұғалімдер белсене қатысты.

Қыркүйектің 27-ші жұлдызында обыстық арнайы жалпы білім беру мектеп-интернатында салтанатты іс-шара өтті. Кездесудің басты мақсаты мектеп басшылығы мен облыстық ҚХА жанындағы Аналар кеңесі арасында өзара ынтымақтастық бойынша келісімді рәсімдеу болып табылды.