Достық үйінің конференц залында «Ақпанның қаралы күндері» атты шешен және ингуш халқының депортациясына арналған еске алу кеші өтті. Шараның бірегей ұйымдастырушысы шешен-ингуш этномәдени бірлестігі болып танылды. 

Өткен демалыс күні Павлодар қаласының әкімі Нұржан Кемерұлы Әшімбетов Ұлы Отан соғысының ардагері, «Беларусь мәдени орталығы» қоғамдық бірлестігінің ардагерлер кеңесінің мүшесі Николай Афанасьевич Гарусовты мерейтойымен құттықтады. Бұл күні мерейтой иесі 90 жасқа толды. Нұржан Кемерұлы Николай Афанасьевичке облыс әкімі Болат Жұмабекұлы Бақауовтың құттықтау хатын табыс етті, мықты денсаулық, бас амандығын және ұзақ өмір тіледі!

«Қоғамдық келісім» КММ акт залында балкар мен қарашай халықтарының депортациясына арналған «Қазақхалқынамыңалғыс!» атты іс-шарасы өтті. Іс-шараны «Эльбрус» қабарда-балқыр және қарашей-черкес ұлттық-мәдени орталығы» қоғамдық бірлестігі ұйымдастырды. Іс-шараға облыстық ЭМБ төрағалары мен қатысушылары, облыстық ҚХА және «Қоғамдық келісім» КММ, тілдерді дамыту жөніндегі басқарма басшылығы, Қ.Даржұман атындағы ұлттық жаңғыру мектебінің оқытушылары мен оқушылары, БАҚ өкілдері қатысты.

Достық үйінің концерт залында Тәжікстандағы бітімгершілік шарасына қатысқандарға арналған тақырыптық бағдарлама өтті. Атаулы мерекені «Славян мәдени орталығы»  этномәдени бірлестігі мен «Қазбат ардагерлері» қоғамдық бірлестігі, Павлодар облысы әкімі аппаратының «Қоғамдық келісім» мемлекеттік мекемесінің қолдауымен ұйымдастырды. Оған студенттер, қалалық мектептердің ұстаздары мен оқушылары, әскерилер мен бітімгершілік миссиясының қатысушылары атсалысты.