Жазғы фестиваль өз мәресіне жетті

Толығырақ: Жарияланды 17 Қыркүйек 2014

338 Дәстүрлі «Бір отбасында тұрамыз - 2014» атты жазғы этникалық мәдениеттер фестивалі аяқталды. Қала күніне орайластырылған бұл ауқымды шараның жабылу салтанаты қалалық мәдени-демалыс саябағында 13-ші қыркүйек күні өтті.

Үш айдың ішінде облыстық этномәдени бірлестіктері жамағатты өздерінің мәдениетімен таныстырды. Концерттерінде олар салт-дәстүрлері, тілі, ойындары, ас мәдениеті жөнінде сөз етті. Фестиваль аясында Жасыл святкалар, Орыс қайыңының мейрамы, Қымызмұрындық, Сабантой, Қауын мейрамы секілді өздерінің ұлттық мерекелерін де көпшілікпен өткізіп үлгерді.

Қазақстан халқы Ассамблеясының Павлодар облысы бойынша филиалы төрағасының орынбасары Сейсембай Жетпісбаев этномәдени бірлестіктер белсенділігінің өсуіне, павлодарлықтардың фестиваль жұмысына қызығушылығының артуына назар аударды. Болашақта осындай ірі шараларға тегіс бірлестіктердің қатысуына сенімін білдірді.

Биыл фестивалдің жұмысына облыста жұмыс істейтін 23 этномәдени бірлестіктің 20-сы қатысты, олардың басшыларына алғыс хаттар табысталды.

Мақсат Айтпаев

Фото

338

Фото

339