Армян және чуваш этномәдени бірлестіктері павлодарлықтарды қуантты

Толығырақ: Жарияланды 19 Тамыз 2014

140 Өткен демалыста Павлодар облысының “Чуваш қоғамдық-мәдени орталығы” қоғамдық бірлестігі және “Павлодар облыстық “Айреник” қоғамдық бірлестігі облыстық Қазақстан халқы ассамблеясы Хатшылығы және облыстық Достық үйімен бірлесе отырып павлодарлықтарға және қала қонақтарына төл мәдениеті мен дәстүрі жайлы сыр шертетін концерттік бағдарлама ұйымдастырды.

Мерей-тойды бірінші болып бастаған Чуваш этномәдени бірлестігінің ұжымдары би билеп, ән шырқап өнерлерін көрсетті.

Бірлестіктің қатысушылары мен ұйымдастырушылары аса құрметті қонақтар мен мерейтойды тамашалауға келген көрермендерге ұлттық тағамдарын ұсынды.

Чуваш этномәдени бірлестігінің өкілдері өлең оқып, ән айтып, ұлттық би билеп, бүгінгі күнге дейін мәнін жоғалтпаған салт-дәстүрлерімен таныстырып, көңілдерін көтерді.

Ерекше өнер көрсеткен «Сеспель» фольклорлық ансамблін атап өтуге болады. Олар әр түрлі жанрдағы әндерді орындап, жиналған қауымды сергітіп жіберді.

Келесі болып сахна төрінде армян этномәдени бірлестігі өнерін паш етті. «Айреник», бұл жолы да, өзін жоғары деңгейде көрсете алды. Жұртшылықты мәдениетінің ерекшелегін сипаттайтын өлеңдерімен, әуендерімен, ұлттық киім үлгілерімен және салт-дәстүрлерімен таныстырды.

Келген қонақтардың арасында сұрақ-жауап ойыны өткізіліп, үлкенге де кішіге де сый-сияпат берілді.

Мақсат Айтпаев

Павлодар облысының “Чуваш қоғамдық-мәдени орталығы” қоғамдық бірлестігі ұйымдастырған іс-шарадан фоторепортаж

Фото