"Эльпидаға" 20 жыл толды

Толығырақ: Жарияланды 02 Қараша 2019

8617 2 қараша күні "Эльпида" грек этномәдени бірлестігі 20 жылдық мерейтойын атап өтті. Мерейтой аясында дөңгелек үстел және концерттік бағдарлама өтті. Бұл кездесу – жай ғана мерейтойлық оқиға емес, қалыптасқан дәстүрлерге үлкен құрметтің көрінісі, пікірлестердің белсенді өмірлік ұстанымының айғағы, туған өлке –лкені сүйетіндердің кездесуі.
Іс-шараға облыстық ҚХА хатшылығының меңгерушісі - Айнұр Мақсұтқызы Сәрсенбаева, облыстық этномәдени бірлестіктерінің төрағалары, мемлекеттік органдардың өкілдері, "Қоғамдық келісім" мемлекеттік мекемесінің қызметкерлері, Қанат Даржұман атындағы ұлттық жаңғыру метебінің мұғалімдері қатысты. Мерейтойға Алматы облысынан келген қонақтар да атсалысты. Олардың қатарында - Иорданиди Георгий Константинович, "Филия" Қазақстан гректер республикалық қауымдастығының президенті және Муратиди Константин Иванович, "Арго" грек қоғамының төрағасы.
- 20 жыл бұрын бірігіп, грек бірлестігіне "Эльпида" деген атауды бердік. Ол "Үміт" деген мағынаны білдіреді. Біз оның көмегімен көптеген жаңа достар табамыз және көп этникалық Қазақстан қоғамында лайықты орнымызды аламыз деп сендік. Біздің үмітіміз ақталды! "Эльпида" өздерін қызықты іс-шаралармен, әдемі шығармашылық ұжымдармен, талантты және патриоттық рухта тәрбиеленген жастарымен қазіргі таңда облысымызда танымал бірлестіктердің бірі, - деп атап өтті облыстық грек этномәдени бірлестігінің төрағасы Людмила Петровна Ифандопуло.
20 жылдық мерейтой құрметіне А.М. Сәрсенбаева, Г. К. Иорданиди, К. И. Мұратиди, этномәдени бірлестіктердің төрағалары құттықтау сөз сөйледі. Олар орталыққа үлкен табыстар тіледі, ал "Эльпиданың" белсенді қатысушылары дипломдармен және сыйлықтармен марапатталды. Дөңгелек үстел соңында "Маргаритарий" вокалдық ұжымының орындауында ән шырқалды. Салтанатты мерейтойдың соңында "Анагениси" хореографиялық ансамблі, "Маргаритари" вокалдық ұжымы, "Пулья" вокалдық ұжымы сынды грек бірлестігінің шығармашылық ұжымдарының концерттік бағдарламасы өтті.